ديـــكـــور الـــحـــوائـــط ~.~

نكمل موضوعنا عن ديكور الحوائط وهو موضوع كبير واآآآآآآآآيد بس حبيت آخذ لكم بعض الأشياء المهمة فيه ..

والحين بتكلم عن دهان ديكور  حائط المنزل ..

طبعا في وايد طرق لتجهيز الحائط للدهان ومنها :

1) اعداد الحوائط باستخدام الاسفنج

2) إعداد الحوائط باستخدام الأمشاط

3) اعداد الحوائط باستخدام قطعة القماش

4) اعداد الحوائط باستخدام أوراق الشجر

5) أعداد الحوائط باستخدام القناع ( الشريط اللاصق )

والحين خلينا نبدأ دهان حائط البيت ^_*

الأدوات المطلوبة :

- دهان حائط لاتيكس " لونين "

- شريط لاصق لتحديد مكان العمل

- قفازات لليدين

- وعاء لوضع الطلاء فيه

- منشفة من أجل تجفيف الدهان عن الاسفنج

- فرشاة دهان أو رول

- قطعة قماش

- مسطرة أو متر للقياس

- قلم رصاص لتحديد المقاسات

خطوات تجديد حائط البيت :

* اختاري اللون اللي تبيه واشتري منه درجتين ، فاتح وغامق ، ودهني البيت باللون الفاتح بالطريقة المعتادة .

* اغمسي القماشة باللون الغامق واعصريها شوي .

* حركي القماشة المغموسة باللون الغامق رايحة رادة ( لفوق ولتحت ) مثل الرول .

- بالنسبة للأماكن الضيقة اللي ما تقدري توصليلها مثل الحواف ضربيها بالقماشة بهالشكل .

- وانبهري بالنتيجة النهائية .

طريقة أخرى :

- اخلطي اللون الأبيض مع اللون اللي اخترتيه لوكان غامق ، عشان يعطيج درجة أفتح لنفس اللون .

- بالوعاء الخاص حطي كمية من الدهان ومرري فيها ومرري فيها الرول وخففي من الكمية اللي في الرول بهالطريقة .

- ادهني منطقة من الحائط عشان تتأكدي من الشكل المطلوب .

- وقبل لا ينشف الدهان حطي عليه قطعة نايلون ومديها على الحائط

- اتركي الدهان لين ينشف وبعدين شيلي النايلون .

وبنكمل الموضوع مرة ثانية ....